Unha das mellores cousas que pode ter a Cabalgata de Reis que celebra o Concello é a tradicional variación do seu percorrido que ten lugar cada ano, a diferencia das outras cabalgatas e procesións que teñen lugar noutras datas. A Cabalgata de Reis sempre acaba no mesmo lugar que non é o outro que a Praza de María Pita, pero para chegar a ela cada ano síguese un camiño diferente. Os Mallos, a Estación de Ferrocarril, foi o inicio da Cabalgata deste ano, e con iso, o Concello regaloulle ó barrio ser o centro de atención da cidade por espazo dunhas horas.
A todos os barrios deberíalles tocar algo así cada ano, xa que é unha boa forma de facer desta actividade algo máis próximo a todos facendo que se participe con maior entusiasmo. Para moitos coruñeses da cidade e comarca, sería a súa única visita anual a un barrio que no sexa o seu. Hai algúns barrios que aínda non se estrearon como lugar de paso da Cabalgata e creo que é algo que se debería corrixir, é como unha "débeda histórica" que a cidade ten con eles, a oportunidade de convertelos por uns intres no centro de todas as miradas da cidade.
Opinións de veciños sobre o sucedido no barrio o día pasado día 5 pola tarde:
"
Baixei un momento á rúa e quedei abraiada pola inmensa cantidade de xente que había, case non se podía andar" (Respecto ás rúas Eusebio da Guarda, Oidor Gregorio Tovar e Capitán Juan Varela).
"
Daba gusto ver Angel Senra, tanto ambiente e tanta xente dáballe un aire parecido á rúa Real,
salvando as distancias claro".
"
A Ronda de Outeiro parecía ós Cantóns, coches e coches circulando a carón dunhas beirarrúas ateigadísimas de xente".
Pero claro, toda cousa boa ten que ter os seus "peros", e non é outro que o problema de tráfico que se creou. O barrio colapsouse totalmente e o caos de tráfico en varias partes da cidade foi descomunal. É dicir, o barrio converteuse nunha zona con un espectacular "ambientazo" e con ganas de saír á rúa para os que iban a pé, en cambio, todo un inferno para os que estaban no seu coche, ou nos buses urbanos. Outros dos beneficiados da zona serían os comerciantes e hosteleiros, xa que o máis probable é que os bares tiveran moita máis xente do habitual e as tendas vendesen tamén algo máis nada máis e nada menos que na víspera de Reis.
E agora unha reflexión ou idea que se me ven á cabeza, xa que a Cabalgata de Reis está "descentralizada" (polo menos no que respecta ó lugar no que comeza), ¿por que non facer o mesmo coas outras cabalgatas ou procesións que teñen lugar durante o ano?
