JOSE MANUEL FERNÁNDEZ GONZÁLEZ
(PIANO)

Comezou os seus estudos musicais no Conservatorio de Ourense, continuándoos en Vigo, Santiago e Barcelona, o que lle conferíu a oportunidade de traballar con Chang Rook Moon, Ángel González e Ludovica Mosca, entre outros. Para alén diso, ten realizado cursos na Academia Franz List de Budapest e na Juilliard School de Nova York. Ao tempo, tamén participou en diversos cursos de interpretación pianística impartidos por Emmanuel Ferrer, Luiz de Moura, Miguel Zanetti, Peter Bithell, Roberto Bravo, etc.

No ano 1989 foi premiado no concurso “Jóvenes Intérpretes”, en Vigo. Formou parte do grupo folk “Arco da Vella”, co que grabou tres discos e realizou numerosos concertos en España, Portugal, Francia, Alemaña e Escocia. Producíu o disco do Conservatorio Superior de Música de Vigo e dirixíu a grabación do CD “Folk o Forno”, realizada no ano 2007 polo Conxunto Folk do citado Conservatorio.

Exerce o seu labor docente como profesor de Piano e Música de Cámara no Conservatorio Superior de Música de Vigo desde o ano 1992. Ademais, atraído pola difícil arte da composición, é autor da música de curtametraxes e programas de televisión. Tamén forma parte do grupo “Trasmundi”, co que grabou un disco no ano 2001 e, na actualidade, está en proceso de grabación o seu segundo CD.

Enderezo:
Villa Florentina. Apeadeiro, 14 ~ Cecebre (Cambre)
Teléfono: 981676052
Email:fundawenceslaoff@wanadoo.es